Реал го дава Ковачиќ и 35 милиони евра за фудбалерот на Зенит!?

Оваа понуда би била навистина големо изненадување.

Зимскиот преоден рок завршува, а во Реал веќе размислуваат за следниот кој беше означен како преоден рок во кој ќе биде направена голема реконструкција на „Лос Бланкоси“.

Сепак, последните ифнормации се навистина изненадувачки. Како што пренесуваат шпанските медиуми, Реал Мадрид би можел да испрати понуда од 35 милиони евра и Матео Ковачиќ за услугите на Пардес.

Сепак не е познато колку Ковачиќ е заинтересиран за преселба во Русија иако веќе соработуваше со Роберто Манчини во редовите на Интер во сезоната 2014/2015.

Овој трансфер секако би се реализрал на лето бидејќи како што кажавме, тоа ќе биде преоден рок во кој се очекуваат големи промени во редовите на „кралевите“, но и поради фактот што Флорентино Перез од 2009 година во зимскиот преоден рок купил само тројца фудбалери.