Рајхелт најдобар во супервелеслалом во Аспен

Австрискиот скијач Ханс Рајхелт победи на денешената трка во супервелеслалом во американскиот ски центар Аспен. Тој патеката ја мина за 1:08:22 минута и за 11 стотинки беше побрз од Доминик Парис од Италија, додека место на подиумот избори и Мауро Кавецел од Швајцарија, кој имаше заостанување од 33 стотинки зад победникот.

Рајхелт со денешниот триумф се проби на второто место во пласманот за „суперџи“ со 303 бодови, зад освојувачот на малиот кристале глобус Кјетил Јансруд од Норвешка, кој освои 394 бодови.

Во генералниот пласман води Марсел Хиршер од Австрија со 1.449 бодови, додека второпласираниот Јансруд има 924.