Рафа најави пропуштање на Вимболдон: Потребен ми е одмор…

Рафаел Надал би можел да го пропушти најголемиот светски турнир.

Дали Вимболдон оваа сезона ќе помине без Рафаел Надал?

Најдобриот светски тенисер имаше тешка сезона на земја која ја круниса со титулата на Ролан Гарос победуваќи го во финалето Доминик Тим.

Сега следи сезоната на трева, а овој дел би можел да помине без Надал кој нема да игра на турнирот во Квинс бидејќи чуствува замор после сезоната на земја.

„Голема е промената кога ќе преминете од земја на трева. Би сакал да играм, но морам да видам како ќе се чуствувам. Претходно бев млад, па побрзо и полесно се прилагодував“.

„Тешко ми е сега да размислувам за Вимболдон. Сезоната на земја беше долга, го одиграв скоро секој меч кој може да се одигра на земјена подлога. Претходните два месеци беа навистина напорни за мене“, изјави Надал.