Разочарување за Мурињо: Фенербахче продава фудбалер од 35 милиони евра во Премиер лигата

Жозе Мурињо во редовите на Фенербахче пристигна со големи очекувања, но тимот остана без пласман во Лигата на шампионите откако беа поразени во плеј-оф двомечот со Лил.

Се најавуваше и дека во клубот покрај Португалецот на клупата ќе пристигнат и засилувања во играчкиот кадар. Сепак, спротивно од тоа турскиот гигант би можел да биде ослабен.

Според најавите Ферди Кагиоглу е пред заминување од Фенербахче. Со овој фудбалер се поврзуваше и Јувентус кој подоцна се откажа од трансферот, меѓутоа сега во игра се вклучи Брајтон.

Информациите на дел од островските и турските медиуми се дека тој ги договорил личните услови со премиерлигашот. Трансферот според најавите би требало да изнесува околу 35 милиони евра.