Радичевиќ : Поразот од Мец дојде во право време, со нашата добра енергија и добра одбрана одиме на победа

Пласманот на Вардар во четврт-финалето на лигата на шампионите одамна беше заверен, а сега во петок, 19 часот против германски Битигхајм ,Вардарки одат да го потврдат и првото место во групата. Тоа ќе значи дека ривал во Топ-8 фазата ќе биде четвртопласираниот тим од првата група.

На првиот натпревар на почетокот на февруари во Германија Вардарки победија убедливо 38-26. До крајот на натпреварите од главната фаза треба да се одиграат уште два натпревари, овој со Битигхајм и на гости кај Будуќност. Потребна е само победа против Битигхајм за потврда на првото место во групата.

„ В петок сакаме само да победиме и на тој начин да го решиме првото место во групата. Изгубивме од Мец, поразот дојде во право време, за да не летнеме во облаци и мислам дека загубивме само поради нашите грешки. Тие играа исто како и досега, само ние не бевме на нашето ниво. Со нашата добра енергија, добра одбрана ќе треба да стигнеме до победа. Битигхајм не намачи кај нив во првиот дел и ќе сакаат да не пореметат нашиот ритам, вели Јованка Радичевиќ.

Вардарки досега играат според планот и се на чекор до освојување на првото место во групата, што би значело избегнување во четврт-финалето на екипите на Ростов, Ѓер или ЧСМ.