Рагник: Ливерпул е шест години пред нас

Вчера Ливерпул со убедливи 4:0 го победи Манчестер Јунајтед, „црвените“ апсолутно заслужено стигнаа до триуфот затоа што гостите од Манчестер немаа вопшто никакви шанси нешто да направат во овој дуел.

Искрен за настапот на неговиот тим после натпреварот беше и менаџерот на Манчестер Јунајтед, Ралф Рагник.

„Ова е срамно. Целосно разочарувачки и понижвачки. Мораме да прифатиме дека Ливерпул е шест години пред нас. Ливерпул пред шест години заврши на осмото место со просек од 1.6 поени и тоа е отприлика местото каде што ние сме денес. Потребно е многу да се гради овој тим, натпревари како денешниот само ни покажуваат дека промените се неопходни“, изјави Рагник.