Пјаниќ наскоро ќе го продолжи договорот со Јуве?

Репрезентативецот на Босна и Херцеговина, Миралем Пјаниќ наскоро би требало да го продолжи договорот со Јувентус.

Популарниот Принц во редовите на Старата дама пристигна во летото 2016. година за трансфер вреден 32. милиони евра, а за брзо време стана еден од најважните играчи во составот на Јувентус.

Тој потпиша петгодишен договор кој истекува во 2021. година, но без разлика на тоа Јувентус сака да го обнови истиот. Како што пренесува порталот Кориере ди Торино, Пјаниќ се смета како срцето на проектот во Јувентус и до договор меѓу двете страни би требало да дојде многу брзо.

Истиот извор пренесува дека Пјаниќ во новиот договор ќе добие и поголеми примања. Да потсетиме, според моменталниот договор има плата од 4,5 милиони евра.

Малиот принц оваа сезона одигра 20 натпревари и постигна четири погодоци и запиша осум асистенција.