Иако името на Миралем Пјаниќ се поврзуваше со неколку европски гиганти, сепак Босанецот не е на продажба и Јувентус спрема нов договор за него, пренесува „Кориере дело Спорт“.
Пјаниќ беше мета на Манчестер Сити, Барселона и Челзи, но „старата дама“ постави цена од 100 милиони евра, која споменатите клубови не се спремни да ја платат.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Последните информации од Апенините говорат дека Јувентус одлучил да не го продава Пјаниќ и спремил нов договор за плејмејкерот.
Со новиот договор Пјаниќ ќе заработува 7 милиони евра по сезона и ќе стане трет најплатен фудбалер во тимот на Јувентус.
Повеќе од него ќе заработуваат само Роналдо (30 милиони) и Дибала (7,5 милиони), со оглед на фактот што Игуаин, кој заработува 7,5 милиони евра е на излезна врата.
Двете страни веќе ги започнале преговорите и наскоро треба да се очекува потпис на Босанецот на новиот договор.
Учество во игри на среќа е дозволено за лица со 18+ години. Играј одговорно!