ПСЖ тргнува по две ѕвезди на Ајакс

Тимот на Ајакс игра фантастична сезона, одобено во Лигатана шампионите, па многу фудбалери на холандскиот клуб го привлекоа вниманието на европските гиганти.

Еминентниот француски весник „Екип“ пренесува дека Пари Сент Жермен сака да ја „копира“ Барселона и да донесе двајца таленти на Ајакс.

Со оглед на фактот што Барселона веќе го обезбеди потписот на Френки де Јонг и е многу блиску до комплетирање на трансферот на Матијас де Лихт, ПСЖ ќе се насочи кон други двајца фудбалери.

Имено, „светците“ покажуваат сериозен интерес кон Давид Нерес и Дони ван де Бек, кои играат исклучителна сезона и го привлекоа вниманието на многу европски гиганти.

22-годишниот крилен фудбалер игра одлично оваа сезона, па во сите натпреварувања постигна 12 гола и запиша 15 асистенции. Покрај ПСЖ силен интерес за Нерес покажуваат уште Баерн Минхен и Тотенхем, па неговата цена во моментов изнесува околу 50 милиони евра.

„Светците“ ќе имаат силна конкуренција и за потписот на холандскиот играч за врска, бидејќи за Ван де Бек од поодамна интерес покажуваат Тотенхем и Борусија Дортмунд.

Поради тоа ПСЖ сака што е можно побрзо да ги договори трансферите и да ја победи конкуренцијата, а најсилен адут е нивната финансиска моќ.