ПСЖ со Меси станува клуб со најголеми плати во целиот спорт

Кога во екипата ќе се приклучи Лео Меси, ПСЖ ќе стане екипата со најголеми плати во целиот светски спорт.

Меси вчера пристигна во Париз каде ги помина лекарските прегледи, а веќе денеска ќе потпише двегодишен договор. По сезона ќе добива неверојатни 35 милиони евра, а предност за Парижаните беше што не платија за обештетување.

Французите за плата, ако го сметаме и Меси, ќе издвојуваат дури 302.7 милиони евра годишно, и со тоа ќе бидат пред досегашниот лидер, Реал Мадрид.

Реал ќе падне на второто место со 250.7 милиони евра. Трет на листата е Манчестер Јунајтед кој издвојува за плати 237.7 милиони евра, а Барселона 230.6 милиони евра.

Во топ 10 се уште и Јувентус со 220, Баерн 196.3, и Челси 192,75.