ПСЖ не жали пари за ѕвездата на Фиорентина

Федерико Бернардески важи за еден од најголемите италијански таленти и со своите одлични партии го привлече вниманието на многу европски гиганти.

За него силен интерес веќе покажаа Интер, Милан, Јувентус и Челзи, но сега во трката за неговиот потпис се приклучи и богатиот Пари Сент Жермен.

Имено, француските медиуми јавуваат дека спортскиот директор на ПСЖ Патрик Клајверт веќе ги контактирал челниците на Фиорентина и е спремен да плати богатство за 22-годишниот крилен напаѓач.

„Виолетовите“ сигурно нема така лесно да го пуштат Бернардески и веќе спремиле нов договор со висока откупна клаузула, но следното лето Италијанецот најверојатно ќе ја промени средината.