ПСЖ го сака најскапиот играч во историјата на Баерн?

„Л’Eкип“ пренесува дека ПСЖ сака да го доведе дефанзивецот на Баерн Минхен, Лукас Хернандез (27).

Хернандез во овој момент е повреден, а на крајот на сезоната би можел да си замине бидејќи сезонава не играше премногу поради честите повреди. Францускиот фудбалер одигра 11 натпревари на кои собра 832 минути и Баерн сака да се ослободи од него.

Хернандез е најскапото засилување во историјата на Баерн. Германскиот гигант за неговите услуги плати 80 милиони евра на Атлетико Мадрид во 2019 година. Неговиот договор со Баерн истекува во јуни следната годината поради тоа Баерн може да го пушти ова лето за нешто и да заработи од неговото заминување.

Според „Трансфермаркт“, Хернандез вреди 50 милиони евра, а негов голем фан е и Луис Кампос, спортскиот директор на ПСЖ.