ПСЖ го сака Дибала: Можна е спектакуларна размена!

Пари Сент Жермен покажува сериозен интерес за ѕвездата на Јувентус, Пауло Дибала, пренесуваат француските медиуми.

Новиот тренер Томас Тухел е голем фан на Пауло Дибала и посакува да го доведе Аргентинецот на „Паркот на принцовите“.

Наводно Дибала чекал повик од Реал Мадрид, но „кралевите“ не покажуваат интерес за него. Од друга страна ПСЖ во Аргентинецот гледа идеален наследнк на Едисон Кавани.

Во исто време Јувентус е заинтересиран за Едисон Кавани, кој може да биде замена за Игуаин, па медиумите не ја исклучуваат можноста да дојде до размена на играчи помеѓу двата клуба.

24-годишниот Дибала минатата сезона одигра 46 меча во сите натпреварувања на кои постигна 27 гола и запиша 7 асистенци.

Наводно и самиот е спремен да ја промени средината, а Јувентус за неговата слобода бара 130 милиони евра.