Против Романија и без Адеми

Најдобрата репрезентација на Македонија и дефинитивно ќе биде без Арјан Адеми на стартот од квалификациите за СП 2022.

Адеми е еден од нашите клучни играчи, но сега селекторот Игор Ангеловски ќе мора без него да се спротистави на Романците со кои играме во четврток.

Иако нема да игра со Романија, сепак постојат шанси Адеми да настапи на следните два натпревари кои ќе ги играме против Лихтенштајн во Скопје (28.03) и Германија на гости (31.03). Сепак, за тоа ќе се чека дозвола од лекарскиот тим на Динамо Загреб.

Ќе потсетиме Динамо за две недели го чека важен натпревар во четвртфиналето од Лигата на Европа против шпански Виљареал.

Натпреварот со Романија го игра играме во терминот од 20:45 часот.

Поради повреда од составот веќе отпадна Иван Тричковски, додека Тихомир Костадинов и Ѓоко Зајков добија позитивни тестови на тестирањата во клубовите. Дополнителен повик добија Стефан Ашковски и Агим Ибраими.