Продолжува победничката серија на „Римската волчица“: Овојпат заслужни Ундер и Пероти (ВИДЕО)

Во првиот меч во рамки на 25. коло во Серија А, Рома на гостински терен славеше против Удинезе со 2:0.

Резултатот го отвори Ченгиз Ундер во 70. минута со проектил, а триумфот го потврди Пероти во 90. минута по груба грешка на домашните кои ја загубија топката на критичен дел на теренот.

Рома имаше повеќе од игра, создаде повеќе шанси и сосема заслужено освои три бода. Удинезе десеттина минути пред крајот имаше добра шанса за изедначување, но Алисон со скрати ударот на Де Пол.

За „Волчицата“ ова е трета победа во низа, па некое време ќе минат на третата позиција на табелата. Дали ќе останат тука зависи од исходот на мечот помеѓу Џенова и Интер, кој на програамата е вечерва.