Проблем за Барса првотимецот надвор од терените околу еден месец?

Барселона во проблеми пред продолжение од сезоната.

Во натпреварот во градското дерби против Еспањол во кој Барса загуби со 1:0 фудбалерот кој игра одлично оваа сезона, Паулињо натпреварот го напушти во 53 минута.

Бразилецот во тој момент се фати за ногата и мораше да го напушти натпреварот, а денес после деталните прегледи ќе биде потврдено колку време ќе биде надвор од терените.

Во прашање е десната нога, а според првите проценки Паулињо ќе отсуствува околу еден месец. Паулињо оваа сезона игра одлично и им ги затвори устите на оние кои го критикуваа кога во текот на летото за сума од 40 милиони евра пристигна во Барселона.