Пресврт: Јаја Туре сега сака да остане во Сити!

Јаја Туре до пред неколку недели беше во немилост на новиот менаџер Пеп Гвардиола и неговото заминување од Манчестер Сити беше скоро извесно, но сега работите се променија.

Еден од најдобрите играчи на Манчестер Сити во поновата историја сега сака да остане на „Етихад“ и би прифатил да потпише нов договор за помала плата од актуелната доколку клубот му го понуди тоа.

Гвардиола ќе мора во иднина да му дава повеќе шанса за настап на Туре бидејќи екипата победи на сите пет натпревари на кои фудбалерот бил стартер, а по повредата на Илкај Гундоган кој ќе отсуствува до крајот на сезоната, Африканецот е идеалниот фудбалер на истата позиција во тимот.

Јаја Туре моментално заработува по 230.000 фунти неделно, но неговиот договор истекува на крајот на сезоната и сега на клубот е да одлучи дали ќе му понуди нов договор.