Пред две години играше фудбал на улица, а сега е пред потпис со тим од ПЛ

Кристал Палас е блиску до реализација на интересен трансфер.

Сегалскиот напаѓач Абдулах Сима има одлична сезона во Славија Прага и веќе цената му стигна до 11 милиони евра според трансфермаркт.

Споменатиот фудбалер има интересна фудбалска приказна.

На почетокот на 2020. пристигна во аматерскиот нисколигаш Тонон, а претходно фудбал играше на улица. Во тој француски нисколигаш веднаш го забележале и му била дадена шанса во аматерскиот фудбал. Тогаш воопшто не сонувал дека за две години ќе биде пред потпис за клуб од Премиер лигата.

И ова не е крај на фудбалската приказна. Во март 2021. година дебитираше за репрезентацијата на Сенегал и веќе запиша два настапи.

За Славија оваа сезона во сите натпреварувања настапи на 37 натпревари, постигна 19 погодоци и запиша осум асистенции.