Прво реми за Лестер сезонава: Јунајтед два пати водеше, „лисиците“ се враќаа! 🎥

Во рамките од 15. коло во Премиер лигата денес својот натпревар го играа Лестер и Манчестер Јунајтед.

Лестер и Јунајтед одиграа еден интересен натпревар во кој на крајот двете екипи ги поделија бодовите со резултат 2:2. Маркус Рашфорд во 23. минута ги доведе „црвените ѓаволи“ во водство после асистенцијата на Бруно Фернандеш. До крајот на полувремето Лестер изедначи преку Барнс.

Во 61. минута голот на Марсијал беше поништен после реакцијата на ВАР. Во 75. минута на местото на Марсијал во игра влезе Едисон Кавани. Само четири минути подоцна Кавани му асистираше на Фернандеш за ново водство на гостите.

Јунајтед дојде блиску до трите бода, меѓутоа на пет минути пред крајот на истекот на регуларните 90 минути Џејми Варди го постигна својот 12. гол во Премиер лигата за конечни 2:2.

Интересно е што ова за Лестер беше прв нерешен натпревар во сезоната. Лестер сега останува на втората позиција со 28 бода, Јунајтед е трет, па следи Евертон со 26 кој има натпревар помалку. Лидер е Ливерпул со 31 бод.