Првите зборови на Ериксен од болница: Нема да се предадам!

Кристиан Ериксен испрати порака до фановите од болницата во Копенхаген, каде беше примен после инцидентот на мечот со Финска.

29-годишниот плејмејкер доживеа срцев удар на теренот и само брзата реакција на капитенот Кјаер и на медицинскиот тим му го спасија животот.

Ерииксен во моментов е во болница, каде се наоѓа под надзор на специјалисти и е во стабилна состојба, а дополнително ќе му бидат направени додатни испитувања.

„Благодарам на сите, нема да се предадам. Сега се чуствувам подобро, но сакам да разберам што се случи со мене. Сакам да им се заблагодарам на сите за се што сторија за мене и за силната поддршка која ја добив“, изјави Ериксен.

Според „Газета дело Спорт“ во четврток е најавено негово доаѓање на стадионот „Паркен“ за да ги бодри колегите од репрезентацијата против Белгија.

Christian Eriksen to Gazzetta dello Sport: "Thank you, I won't give up. I feel better now – but I want to understand what's happened. I want to say thank you all for what you did for me". Eriksen was talking to his manager who reported Chris sentences from the hospital. 🇩🇰 pic.twitter.com/anWUjcbEtP

— Fabrizio Romano (@FabrizioRomano) June 13, 2021