Првата капитенска задача на Мбапе: Го убедувал Гризман дека е важен за Франција

Француските медиуми пренесуваат дека Килијан Мбапе разговарал со Антоан Гризман откако напаѓачот на Атлетико Мадрид покажал незадоволство што тој не е избран за капитен на француската репрезентација.

Селекторот Дидие Дешам одлучи по повлекувањето на Уго Лорис од репрезентацијата капитенската лента да му ја додели на Килијан Мбапе, а тоа Гризман не го прифатил баш најдобро.

Се пишуваше дека Гризман бил лут и го напуштил состанокот, но сега пристигнуваат информации дека Мбапе веднаш се покажал како голем капитен.

Имено, според она што го објави „Л’Екип“, Мбапе го повикал Гризман и му пренел дека го разбира неговото разочарување од одлуката, но и му потенцирал дека смета на неговото присуство во соблекувалната и го гледа како еден од важните фудбалери во новиот виклус.

Наводно, Гризман реагирал одлично по овој разговор со Мбапе и прифатил се што му кажал својот соиграч.