Повеќе од 1.000 минути му беа потребни на Расумс Хојлунд да го постигне својот првенец за Манчестер Јунајтед, а вчера конечно тоа го направи во победата против Астон Вила од 3:2.
За Хојлунд тоа беше вкупно шест гол сезонава, претходно пет постигна во Лигата на шампионите. По победата над Вила порача дека е најсреќниот човек на светот.
Дерби на Манчестер: Да се види кој е полош!? ↓↓↓
„Долго чекав за овој момент. Сега сум најсреќниот човек на светот. Можеше да се види тоа и по прославата на голот. Верувавме до самиот крај и токму затоа заслуживме да победиме“.
Хојлунд имаше притисок бидејќи не можеше да постигне гол во Премиер лигата.
„Како што кажа тренерот пред натпреварот, постигнав пет гола во Лигата на шампионите, меѓутоа помина долго време додека бидам стрелец во Премиер лигата. Останува на мене да се надоврзам на сето ова, среќен сум за сите тројца напаѓачи бидејќи покажавме дека имаме карактер и самодоверба“, истакна летното засилување на Јунајтед.
Манчестер Јунајтед сега се врати на шестата позиција на табелата со 31 освоен бод.
Учество во игри на среќа е дозволено за лица со 18+ години. Играј одговорно!