По цела деценија, во Шведска повеќе епитетот НАЈДОБАР не го носи Златан Ибрахимовиќ

Се прости од репрезентацијата, а се прости и од наградата која полна деценија љубоморно ја чуваше.

Првпат по 10 години, најдобар фудбалер на Шведска не е Златан Ибрахимовиќ. Напаѓачот на Манчестер Јунајтед, кој поголемиот дел од годината го мина по амбулантите закрепнувајќи од тешката повреда, престижното признание му го предаде на Андреас Гранквист, кој Швеѓаните ги предводеше до пласман на Мундијалот во Русија.

И тоа преку Италија во двомечот од баражот.

„Неверојатно сум горд и благодарен што стојам пред вас“, истакна фудбалерот на Краснодар, а мораме да кажеме: Апсолутно му веруваме на човекот кој беше последен пат пред Ибрахимовиќ на пиедесталот сега веќе дамнешната 2006. година, а тоа е Федериќ Љумберг.

И сега Гранквист, кој инаку фантастичната сезона ќе ја памети по еден голем неуспех: во баражот за пласман во ЛЕ неговиот Краснодар испадна од Црвена Звезда.