Потресен статус на српската одбојкарка: Од КОВИД-19 умирате сами, денес во Бергамо се случи нешто најлошо

Јована Браковчевиќ е најпознатата српска одбојкарка и член на италијанскиот клуб Новара. Таа се огласи на Твитер поради ситуацијата во Италија која е земјата најпогодена од коронавирусот.

Во Италија животите ги изгубија скоро 3.500 луѓе, па вчера по бројот на починати ја престинга Кина, земјата од каде што започна да се шири коронавирусот.

„Не пишувам често, скоро никогаш, но еве сега имам потреба. КОВИД – 19 е вирус кој не затвори дома. Но, дали само тоа? Од коронавирусот се умира. Тоа е факт. И не само што се умира, туку умирате сами. Никој освен докторите на кои едвај им се гледаат очите нема околу вас. Нема кого да фатите за рака. Денес во Бергамо се случи нешто најлошо. Вјската дојде по лешовите на починатите и директно ги пренесе во крематориумот. Тоа е тоа. Никој не можеше да ги види. Никој не можеше да се прости од нив. Влегоа во болницата заразена, се бореа сами, без своите блиски. И изгубија…сами…Нема да има погреб. Кремирани и тоа е тоа.“, напиша 32 годишната Бракочевиќ.