Потписот на Емре Чан е обезбеден, сега Јувентус има нова мета – Ектор Белерин!

Реномираното радио „Кадена СЕР“ носи одлични вести за навивачите на Јувентус – по обезбеудвањето на потписот на Емре Чан „старата дама“ според овој извор е блиску до уште едно засилување од Премиер лигата.

„Кадена СЕР“ наведува дека Јувентус е блиску до постигнување договор со Арсенал за трансфер на Ектор Белерин.

Шпанецот на радарот на „старата дама“ е уште од минатото лето кога Дани Алвеш го напушти клубот. Сепак конкретна понуда од Јувентус тогаш не пристигна, а фудбалерот подоцна наголемо се поврзуваше со Барселона. На крајот остана во Арсенал.

Понудата која Барселона минатото лето ја испрати за Белерин изнесуваше 50 милиони евра, исто толку сега наводно е спремен да понуди Јувентус, но овој пат се потенцира дека „топчиите“ се спремни да разговараат за негова продажба.