Потврдено: На натпреварите од ЕП во Данска ќе има публика

Eвропското првенство во фудбал минатата година не се одржа поради добро познати причина и се помести за оваа година, а македонската јавност со нетрпение го очекува затоа што и нашата селекција ќе биде дел од овој собир на најдобрите европски селекции.

Ова Европското првенство ќе биде прво кое ќе се одржи во 12 држави. Најдобрите европски селекции ќе играат во: Амстердам, Баку, Билбао, Будимешта, Букурешт, Даблин, Глзагов, Копенхаген, Лондон, Минхен, Рим и Санк Петерзбург.

Денес од Данска соопштија дека на натпреварите во оваа држава ќе има навивачи.

„Европското првенство е историски настан во Данска. Поради тоа Владата дозволи 11.000 до 12.000 гледачи на трибините за четирите натпревари на кои ќе бидеме домаќини“, соопштија од Владата на Данска.

Ќе потсетиме, Македонија натпреварите ги игра во Букурешт (два) и Амстердам.