Потврдено: Модриќ потпишал нов договор!

Хрватскиот плејмејкер, Лука Модриќ веќе ставил потпис на нов договор со „кралевите“, потврди претседателот Флорентино Перез.

Перез не откри детали за новиот договор на 35-годишниот плејмејкер, кој е еден од најважните играчи во тимот на Зидан.

Сепак, шпанските медиуми пренесуваат дека новиот договор ќе биде до јуни 2022 година, односно за уште една сезона.

„Лука Модриќ го продолжи договорот со Реал. Како може да не сакам Рамос да остане? Не станува збор за однесувањето на Рамос, туку се зависи од ситуацијата во која ќе се наоѓа Реал“, изјави Перез, кој потенцираше дека Реал ќе мора да го редуцира буџетот за плати.