Потврдено: Кејлор Навас мора на пауза – Познато и кога се враќа на терените!

Голманот на Реал Мадрид има проблеми со десното стапало.

Реал Мадрид во наредните две недели не ќе може да смета на голманот Кејлор Навас кој го повреди десното стапало во натпреварот од Лигата на шампионите против Тотенхем (1:1)

Актуелниот освојувач на Лигата на шампионите остана без Костариканецот за натпреварите во Примера, Кралскиот куп и Лигата на шампионите. Реал во наредните петнаесетина денови го очекуваат натпревари против Еибар (22 октомври), Фуелабрада (26 октомври), Гирона (29 октомври), Тотенхем (1 ноември) и Лас Палмас (5 ноември).

На местото на Навас помеѓу стативите на „кралевите“ ќе застане Кико Касиља, а негови замени ќе бидат Лука Зидан и Моха Ајрам.