Постигнат договор: Ван де Бек се сели на „Олд Трафорд“

Ѕвездата на Ајакс и холандски репрезентативец, Дони ван де Бек е пред трансфер во Манчестер Јунајтед, тврдат холандските медиуми.

Одличниот играч за врска кој се поврзуваше со трансфер во Барселона и Реал Мадрид, но кариерата ќе ја продолжи на „Олд Трафорд“.

Двата клуба постигнаа договор тежок 40 милиони фунти, па се очекува во следните денови Ван де Бек и официјално да стане нов играч на Манчестер Јунајтед.

За да се комплетира трансферот, Ван де Бек треба да ги помине лекарските прегледи, а официјалната промоција како играч на „црвените ѓаволи“ ќе ја има на почетокот од неделава. 

23-годишниот Холанѓанец ќе биде спремен за стартот на новата сезона на 19-ти септември.