После веста дека Халанд се упатил кон Манчестер се огласи и Солскјер

Норвешките медиуми утрово објавија дека Ерлинг Халанд се упатил кон Манчестер, подоцна беше и пронајден неговиот лет на познатата страна „Flight radar“.

Денес се погоди и Оле Гунар Солскјер да има прес-конференција пред натпреварот за викендот, па стратегот на Јунајтед доби прашање за Халанд.

„Тоа што доаѓа кон Манчестер не значи дека доаѓа да стане играч на Јунајтед, барем не преку мене. Ова е време на одмори, па можеби Манчестер му е попатна станица за некоја локација каде што сака да одмара“, изјави Солскјер.

Халанд е веројатно најбараниот играч во овој момент, а останува да се види дали ќе ја промени средината во јануарскиот преоден рок. За Салзбург во изминатиот дел од сезоната постигна 28 гола на 22 натпревари.