Порто – Рома: Четвртфиналето е „џекпот“ за двата тима, кој ќе биде среќниот добитник?

Вчера и денес на програмата ги имаме реванш натпреварите од 1/8 финалето на ЛШ, а вечерва голема неизвесност се очекува на „Драгао“ каде Порто и Рома ќе водат жестока битка за четвртфинале.

Може ли домаќинот да стигне до голем успех?

Порто ја брка предноста од Рома која ја создаде во првиот натпревар со резултат 2:1, но сигурно е дека оваа португалска екипа овој дуел не го дочекува со добро расположение. Имено, Порто беше поразен од големиот ривал Бенфика и сигурно самодовербата им е на ниско ниво.  Наместо да земат три бода, тие беа поразени и тоа покрај што постигнаа први гол. Поради сето тоа, Порто го изгуби првото место во домашниот шампионат, па неизвесно е дали ќе успеат повторно да земат титула. Исто така беа поразени и во финалето на Лига Купот, а тоа додатно ги разочара. Сепак, за азлика од првиот натпревар во Рим, Порто на располагање ќе ги има Корон и Марег, но и понатаму ќе бидат без Абубакара кој има проблеми со повреди.

Волчицата игра да ја спаси сезоната!

Од друга страна фудбалерите на Рома засега имаат доста турболентна сезона. Имено, екипата од Рим се наоѓа на 5-та позиција на табелата во Серија А, а овој натпревар го дочекуваат исто како и противникот во лошо расположение. Тие во последниот натпревар беа убедливо поразени од градскиот ривал Лацио со 3:0. Пред тоа, Рома изигра неколку добри натпревари и беа во серија од три врзани победи, а потоа следеше шок на градското римско дерби. Кога е во прашање ЛШ, тука Рома веќе неколку сезони наназад игра одлично, но некако нема среќа да стигне до поголем успех.  Тоа што може да биде проблем околу составот за вечерашниот дуел е Манолас кој се уште не се знае дали ќе го гледаме на теренот.

Веројатни состави:

Порто: Касиљас, Милитао, Пепе, Фелипе, Телеш, Херера, Переира, Корона, Брахими, Соареш, Марега.

Рома: Олсен, Флоренци, Фацио, Манолас, Коларов, Нзонзи, Де Роси, Пелегрини, Заниоло, Ел Шарави, Џеко.