Поранешниот играч на ПСЖ и Реал ќе му биде соиграч на Стефан Ристовски

Шпанскиот фудбалер кој некогаш беше голема надеж на Реал Мадрид оди на нова позајмица.

Хесе пристигна во редовите на ПСЖ летото 2016 година од Реал Мадрид за сма од 25 милион и евра и во тоа време тоа беше сосема солидна сума за еден играч.

За ПСЖ Хесе одигра само 14 натпревари и постигна два голови после што следуваа позајмици.

Прво беше испратен во Лас Палмас, потоа играше за Стоук, а минатата сезона го гледавме во Бетис.

Во претходните три сезони собра 48 настапи и постигна само шест голови и јасно е дека за него нема место во Париз, па сега следуваше нова позајмица.

Откако неговиот трансфер во Селта пропадна, Хесе ќе се пресели во Спортинг Лисабон каде што ќе ја помине актуелната сезона.