Поранешен селектор на Македонија во тешка состојба поради ковид-19

Поранешниот селектор на Македонија Џон Тошка е во тешка состојба поради коронавирусот.

Според информациите на медиумите Тошак е на интезивна нега во болница во Барселона и има тежок облик на пневмонија. Поради проблемите со дишењето Тошак е поставен на механичка вентилација со помош на респиратор.

Македонската репрезентација Тошак ја водеше од 2011 до 2012 година, а довербата му ја укажа Хари Хаџи-Ристески кој во тој момент беше прв човек на федерацијата.

Во кариерата 72-годишниот Тошак имаше прилика да го води и славниот Реал Мадрид, како и репрезентацијата на Велс. Најдобрите денови како играч ги помина во Ливерпул и Кардиф.