Дома Македонски спорт Мак фудбал Полска – Македонија: Дали ќе атерираме на земја или ќе се вивнеме во облаци?

Полска – Македонија: Дали ќе атерираме на земја или ќе се вивнеме во облаци?

Полска е домаќин на Македонија во натпревар од исклучителна важност за двете селекции кои се во трка за пласман на ЕУРО 2020. Полска со победа дури може и да си го завери пласманот на континенталниот шампионат. Македонија пак со пораз ќе ги загуби шансите за такво нешто, но со секој друг резултат ќе ги вивне во облаци своите амбиции пред клучните натпревари во Ноември.

Полска со екстра квалитет во сите линии

Црната 2018 година е веќе зад Полска. Тие беа катастрофални на СП во Русија, а потоа и во Лигата на Нации. Но сега се лидери во групата Г и со едната нога се веќе на ЕУРО 2020. Со победа над Македонија, тие практично би го осигурале настапот на континенталиот шампионат.


Вака се слави гол во 120-та минута!!! ↓↓↓


Селекторот на Полска, Бржечек е претпазлив во своите изјави пред дуелот со Македонија иако ја прифати фаворитската улога на неговата селекција. Веројатно нема да менува премногу во однос на предходните натпревари, особено кога станува збор за формацијата. Тој ја користи формацијата 4-4-2 и покрај фактот што има еден куп квалитетни напаѓачи.

Левандовски, Пјонтек и Милик … но веројатно против Македонија ќе стартуваат Левандовски и Милик. Нивните имиња сами по себе укажуваат на фактот дека Муслиу, Ристевски и Бејтулаи ќе имаат крајно тешка задача да се одбранат. Средината исто така е крајно квалитетна, а дигирент во играта е Зиелински кој има импресивна сезона во Наполи каде е незаменлив. Кришчовиак пак е моторот на Локомотив Москва и тие двајца прават одличен тандем во средината. Ако на нив двајца се додадат и колегата на Алиоски од Лидс, Клик како и Камил Гросицки од Хал, тогаш јасно е дека средината одлична.

Македонија може да испише историја

Македонските фудбалери полни со самодоверба и во добра атмосфера ги одработеа последните тренинзи во Варшава, каде Македонија ќе се обиде да остане непоразена и да остане во трката за место на Евро 2020. Одличен меч одигравме против Словенија во победата од 2:1 во Скопје. Доколку македонските фудбалери одиграат во ист стил, тогаш се е можно во Варшава. Дуелот против Полска е од голема важност. Победа за Македонија ќе ги дигне во облаци нашите амбиции, а со реми ќе ги зачуваме шансите, но со пораз тие ќе бидат речиси невозможни.

Оние два меча во Јуни со Австрија и Полска во Скопје беа разочарувачки и на крајот тие два порази можат да бидат и одлучувачки. Добро, после тие порази дојде ремито со Израел на гости, победата во Летонија и над Словенија, но сега едноставно мораме да освоиме бодови. Штета е што беше сопрена онаа успешна и неверојатна низа на натпревари на кои Македонија барем еднаш ја тресеше мрежата на противниците. А таа серија траеше навистина долго и запре токму против Полска. Пред тоа, последен пат кога Македонија не успеала да запише гол на квалификациски дуел е на 12-ти ноември 2016 година во поразот од Шпанија на гостински терен. Да се надеваме дека таа серија ќе продолжи и во Варшава, бидејќи Полска ниту во победата во Скопје не беше подобра од Македонија, но ги освои трите бода.

Проблеми за селекторот Ангеловски

Селекторот Игор Ангеловски се соочува со големи проблеми пред Полска. Јасно е дека ќе мора да играме без Тричковски, по што се намалуваат опциите во Нападот. Но поради повредата и отеченото стапало на Аријан Адеми, кој одигра одличен меч со Словенија не тренинраше во петокот ни во саботата.

Шансите дека тој ќе настапи се сведени на минимум. Тоа дефинитивно ќе биде сериозен хендикеп за Македонија, ако се знае дека за овие два меча го нема ниту Енис Барди во средината. Ако Адеми не се опорави до почетокот на мечот, тоа значи дека Николов ќе го заземе негоото место во средината, а пак Стефан Ристовски ќе стартува како среден бек.

Мрме нема да менува премногу, промените ќе бидат принудни

Очекувано, Мрме нема да има сериозни измени во однос на тимот кој славеше против Словенија. Принудно надвор од составот би требало да биде Аријан Адеми за кого до крај ќе биде неизвесно дали ќе може да помогне.

Во една таква ситуација, формацијата ќе остане непроменета, со тоа што Бејтулаи се враќа по суспензијата поради три жолти картони, на стоперската позиција заедно со Муслиу и Кире Ристевски. На таа стоперска позиција играше Стефан Ристовски кои сега ќе игра десно, каде што со Словенија играше Николов. Николов пак ќе го заземе местото на Адеми во средината, каде ќе бидат уште и Спировски и Елмас како полушпиц, веднаш зад најистурените Пандев и Несторовски. Лево повторно ќе се најде Алиоски, а на голот Столе Димитриевски.

Коментари
Прочитајте поврзани статии
Load More In Мак фудбал

Проверете

Фудбалерите до 21 година ги стартуваа подготовките за Гибралтар и Шведска

Младата репрезентација на Македонија до 21 година официјално ги започна подготовките за пр…