Покренета дисциплинска постапка против Атлетико Мадрид

Дисциплинската комисија на УЕФА денеска покрена постапка против Атлетико Мадрид, чии навивачи се обвинети за расистичко однесување на финалниот натпревар против Олимпик Марсеј.

Тие за време на финалниот натпревар истакнале расистички транспарент и користеле пиротехника, а одлуката за казната ќе биде соопштена на 31. мај.

Атлетико во финалето на ЛЕ го совлада Олимпик Марсеј со 3:0.

УЕФА исто така покрена постапка и против Марсеј, чии навивачи направиле материјална штета на стадионот, а се соочуваат и со казна поради тоа што играчите задоцниле на почетокот од второто полувреме.