Скоро сигурно е дека Антонио Валенсија нема да биде член на Манчестер Јунајтед следната сезона, такво нешто најави и Оле Гунар Солскјер во текот на вчерашниот ден.
Искусниот Еквадорец многу веројатно како слободен играч ќе го напушти „Олд Трафорд“, а со неговото заминување капитенската лента на Манчестер Јунајтед ќе остане без сопственик.
Александар Вучковски - сомелиер: Како македонските вина го освојуваат светот? ↓↓↓
Норвежанецот се уште нема добиено траен договор и се уште има договор како привремено решение до крајот на сезоната. Меѓутоа според резултатите кои ги прикажува ќе биде вистинско чудо ако не го гледаме на клупата на „ѓаволите“ и наредната сезона.
Така на Островот веќе се пишува дека Солскјер избрал кој ќе биде новиот капитен на Манчестер Јунајтед. Ако Солскјер остане во Јунајтед и наредната сезона нов капитен на тимот ќе биде Пол Погба.
Капитенската лента на Погба му ја даде и Жозе Мурињо (Французинот ја носеше на отварањето на сезоната против Лестер), но после конфликтот и сите проблеми му беше одземена од страна на Португалецот.
Во овој момент Валенсија се мачи со повредите, а на должноста капитен го менува Ешли Јанг, но Солскјер смета дека таа треба да биде на раката на Погба кој е светски шампион.
Треба да се додаде и дека Погба после доаѓањето на Солскјер во клубот игра како препороден.
Учество во игри на среќа е дозволено за лица со 18+ години. Играј одговорно!