Познати 24 учесници на Мундијалот за клубови во САД

Веќе се познати голем дел од учесниците на новиот формат во кој ќе се игра Светското клупско првенство, а првото издание ќе помине без гиганти како Барселона, Милан, Арсенал…шанса за настап ќе добие и шампионот на Австрија.

Екипата на Салзбург е последниот претставник кој се пласираше на турнирот кој во 2025 година ќе се одржи во САД, објави ФИФА.

Место на Светското клупско првенство Салзбург обезбеди поради елиминацијата на Арсенал од страна на Баерн. Мундијалот за клубови за првпат ќе се одржи со 32 клуба, а ќе се игра еден месец од 15-ти јуни до 13-ти јули.

Европа ќе има 12 претставници, засега се познати 24 учесници и останати уште осум места. Засега пласман обезбедија: Реал, Атлетико Мадрид, Манчестер Сити, Челзи, Баерн, Борусија Дортмунд, Пари Сен Жермен, Интер, Јувентус, Порто и Бенфика.