Познати деталите, Мбапе ќе добие 100 милиони бонус од Реал

Килијан Мбапе на лето речиси сигурно ќе се пресели во Реал Мадрид и тоа како слободен агент.

Последните информации се дека Реал Мадрид и Мбапе ги договараат последните детали и Французинот на лето ќе се пресели на „Сантиаго Бернабеу“.

Мбапе веќе му соопштил на ПСЖ дека на лето заминува како слободен агент, а познати се и деталите од договорот.

Французинот ќе потпише шестгодишен договор со мадридскиот клуб со плата од 32 милиони евра годишно, но Реал ќе му плати на напаѓачот и бонус од 100 милиони евра затоа што доаѓа како слободен агент.