Познатиот шпански новинар тврди: Кутињо може да биде наследник на Иниеста

Познатиот шпански новинари Гилијам Балаг во новото засилување на Барселона, Фелипе Кутињо, гледа некој кој може да биде наследник на Андрес Иниеста.

Според Балаг, Иниеста кој е веќе е во поодминати фудбалски години наскоро ќе ја напушти Барселона, а неговото место би можел да го превземе токму Кутињо.

„На Иниеста му минуваат годините. Очекува наскоро тој да замине во Кина од каде што има одлични понуди, па поради тоа на Барселона и е потребен фудбалер кој може да го наследи. Кутињо е фудбалер кој игра нешто понапред, но со текот на времето мислам дека може да се прилагоди и да игра во средниот ред, мислам дека тој може да биде одличен наследник на Иниеста“, смета Балаг.

Да потсетиме, Барселона и Ливерпул во текот на вчерашниот ден го договорија трансферот на Бразилецот.