Позната примарната трансфер цел на Ливерпул

Ливерпул е во потрага по квалитетно засилување за средниот ред, а ново име на списокот е плејмејкерот на Вулверхемптон, Рубен Невеш.

25-годишниот Португалец игра одлично во Вулверхемптон и е спремен да направи чекор напред во кариерата.

„Црвените“ спремаат понуда и сакаат да го доведат Португалецот до крајот на преодниот рок, но ќе треба да ја победат конкуренцијата.

За Невеш интерес покажуваат уште Арсенал и Барселона, а главен проблем е што Вулверхемптон за неговата слобода бара 70 милиони евра.

Невеш на лето ќе влезе во последната година од договорот, па Ливерпул прави стратегија за негов ангажман во јануари.