Погба се огласи за наводниот конфликт со Солскјер

Денес во островските медиуми се пишуваше дека Пол Погба не е во најдобри односи со тренерот Оле Гунар Солскјер затоа што не беше стартер против Ливерпул, па затоа „му вратил“ со црвениот картон.

Исто така се пишуваше и дека Французинот е блиску до заминување од Јунајтед и дека сигурно ќе си замине ако Солскјер остане менаџер.

Сега фудбалерот на „црвените ѓаволи“ се огласи преку својот Твитер профил и напиша дека веста е лажна. Сепак, треба да се потсети дека Погба на овој начин демантираше и дека има конфликт со Мурињо кога тој беше тренер за подоцна да се покаже дека конфиктот постоел.