Повеќе нема дилеми: Годин ги помина лекарските прегледи во Интер!

Тоа што се најавуваше изминатите денови, сега доби потврда – Диего Годин од следната сезона ќе го носи дресот на милански Интер.

Имено, долгогодишниот столб на одбраната на Атлетико Мадрид веќе ги поминал лекарските прегледи и ставил потпис на преддоговор со Интер.

Годин следното лето ќе пристигне на „Џузепе Меаца“ како слободен агент, а ќе стави потпис на 3-годишен договор според кој ќе заработува 6 милиони евра по сезона.

Уругваецот е член на „јорганџиите“ од 2010 година, но не успеа да постигне договор за продолжување на соработката и ќе се пресели во Интер како слободен агент.