Победа се засили – пристигна Црногорецот Ивановиќ

Прилепскиот прволигаш Победа денес го официјализира ангажманот на 27-годишниот црногорски интернационалец Иван Ивановиќ.

Ивановиќ се очекува да ја засили конкуренцијата и да го подигне квалитетот на напаѓачкиот дел од тимот на Прилепчани.

Станува збор за искусен фудбалер кој во својата кариера настапувал за повеќе црногорски клубови:Челик Никшиќ, Младост Подгорица, Рудар Пљевља,Морнар Бар а како интернационалец и за тимот на Атурај од Казахстан.

Прогласен е за најдобар играч на Црна Гора во сезоната 2013/2014 кога го бележи и својот прв репрезентативен настап во мечот против Луксембург.