Писонеро: Распоредот е густ, против Нексе шанса ќе добијат младите

Само ден после победата над Порто во Лигата на шампиони, македонскиот шампион Вардар се припрема за дуел со Нексе во СЕХА лигата.

Поради тоа тренерот Писонеро на пресконференцијата соопшти дека поради густиот распоред на овој меч шанса ќе добијат младите фудбалери.

„Имаме тежок распоред и затоа треба да играат сите ракометари. Вардар е навикнат на ваквиот распоред, а најголем проблем е тоа што на теренот ги немаме Стоилов и Толедо за да имаме поголема ротација. Вчера имавме тежок натпревар против Порто и мислам дека не очекува исто така силен натпревар и против Нексе. За нас победата е најважна и е приоритет“.

„Сакам овој пат за разлика од вчерашниот меч кој беше исцрпувачки да играат повеќе ракометари. На вакви средби и помладите можат да добијат шанса. Сакам да ги пробам и сите пивоти, но и сите ракометари на другите позиции. Се надевам дека сите ќе имаат можност, но тоа ќе зависи од текот на натпреварот и од резултатот“, истакна Писонеро.

„Нексе можеби има два порази на стартот на сезоната, но тие не се наивен противник. Ние очекуваме голем предизвик и добар меч, зашто противникот ќе биде мотивиран и ќе бара победа по лошиот старт на сезоната“, изјави Дибиров.