Пиоли пред мечот со Интер: Нашата цел е трофејот!

Милан и Интер утре ќе ги одмерат силите за првиот трофеј сезонава во финалето на италијанскиот Суперкуп.

Тренерот на Милан, Стефано Пиоли смета дека слабата форма на „росонерите“ во последно време во Серија А нема да влие на мечот против Интер.

„Играме за трофеј, се соочуваме со голем ривал и ќе ни треба одличен настап. Ова е важен натпревар, можеме да освоиме уште еден трофеј кој ќе даде континуитет на нашиот пат. Знаеме дека треба да го подигнеме нивото на игра, нашата цел е да освојуваме трофеи“, ијави Пиоли.

„Тоа што се случува во Серија А не е важно, утре е нов натпревар. Сезоната и онака не завршува утре, мислам дека она што гравитира околу Милан е секогаш претерано, на добар или на лош начин. Интер е силен тим и тие секогаш ни создавале проблеми, но ние имаме наш план. Како и секој тим и тие имаат слаби точки, но нема да ги откријам“, порача тренерот на Милан.