Пиоли потврди: Ибрахимовиќ се извини

Oна што го пишуваа медиумите го потврди и тренерот на Милан Пиоли.

Пиоли денес изјави дека Ибрахимовиќ им се извинил на соиграчите за исклучувањето во дербито против Интер.

„Златан се извини пред сите, уште еднаш ни докажа дека е голем шампион“, изјави Пиоли за италијанските медиуми.

Ибрахимовиќ беше исклучен во 58. минута од натпреварот. Интер знаеше да го искористи неговото исклучување и после пресврт со 2:1 славеше против градскиот ривал.