Пиоли: Како Жиру може да биде во офсајд кога лежи на земја?

Eкипата на Милан доживеа пораз од Наполи 0:1 на „Сан Сиро“, единствениот гол на натпреварот беше дело на македонскиот репрезентативец Елиф Елмас.

Милан со овој пораз направи чекор назад во борбата за Скудетото, а тренерот Стефано Пиоли жали за поништениот гол на Франк Кеси во финишот од натпреварот. Тој гол беше поништен поради офсјадот во кој се најде Жиру. Пиоли смета дека не требало да биде досуден.

„Ќе кажат дека офсајд позицијата на Жиру е актина. Но, ако играчот лежи на земја како може да му пречи на одбранбениот фудбалер? Според мене тоа беше регуларен гол. Изгубивме во натпревар во кој не бевме надиграни“, изјави Пиоли.