Пикси: И денес се срамам зошто не шутирав пенал против Звезда

Легендарниот Драган Стојковиќ – Пикси една година пред Звезда да стане шампион на Европа направи трансфер во Марсеј, тимот кој беше противник на „неговата“ Звезда во големото финале во Бари.

Пикси откри дека одбил да биде дел од играчите што ќе шутираат во пенал серијата затоа што не бил на теренот од првата минута.

„И денес верувам дека тренерот во последен момент се одлучи да не започнам од првата минута. Знам што се зборуваше на состаноците, „Звезда се плаши од него, ги знае слабите страни во одбраната“…беа дел од зборовите. На крајот после 120 минути тренерот дојде и ми кажа дека ќе бидам на списокот на играчи кои ќе шутираат пенали затоа што сум свеж и одморен. И денес ми е срам од тоа што му го одговорив. Првата реченица не е за во јавност, а другата беше „ти оди сега да шутираш“. Во тој момент немаше нешто што може да ме натера да ја ставам топката на белата точка. Може ќе беше поинаку ако бев на теренот од почетокот“, изјави Пикси.