Пике: Халанд и Мбапе се двајцата најдобри играчи во светот

Фудбалерот на Барселона, Жерар Пике во кариерата беше соиграч со многу големи фудбалски имиња, Каталонецот освои три титули во Лигата на шампионите со Чави, Иниеста и Меси во екипата.

Сега како човек со големо искуство во фудбалот зборуваше за двајцатан ајголеми таленти во светот на фудбалот, Килијан Мбапе од Пари Сен Жермен и Халанд од Борусија Дортмунд. 23-годишниот Мбапе зад себе веќе има големи резултати, го освои Светското првенство со Франција во 2018 година, запиша повеќе од 200 настапи за ПСЖ и постигна повеќе од 150 голови.

Од друга страна Халанд е две години помлад и има само еден поголем трофеј во кариерата, Купот на Германија со Борусија Дортмунд. Но неговата статистика во редовите на „милионерите“ е феноменална 85 голови на 85 натпревари.

Многумина сметаат дека Мбапе и Халанд ќе го наследат ривалството кое во изминатите години го имаа Меси и Роналдо. Пике даде свое мислење на оваа тема.

„Тоа се двајцата најдобри играчи во светот во овој момент. Млади се и можат да освојат многу „Златни топки“. Халанд е класичен напаѓач, силен и постигнува многу голови. Мбапе е покомплетен, може да игра како крило и шпиц. Против Халанд не сум играл, против Мбапе да. Тешко ми е да изберам помеѓу нив двајца“, изјави Пике.

Како што стојат работите новите ѕвезди на европскиот фудбал ќе биде главни во летниот преоден рок во кој се очекува и двајцата да ја променат средината.