Пике признава: Ќе биде многу тешко против ПСЖ

Дефанзивецот на Барселона, Жерард Пике продолжува со рехабилитацијата на повредата на коленото и се очекува да се врати на терените во април.

Пике нема да може да му помогне на тимот во двомечот со Пари Сент Жермен во ЛШ и признава дека ќе биде многу тешко.

„Ќе биде многу тешко против ПСЖ. Добро го познавам Нејмар. Натпреварите се играат после два месеци и можат да се случат многу работи до тогаш. Најважно е да биде спектакл за фановите“, истакна Пике.

„Јас се чуствувам добро, но треба да почекаме да видиме кога ќе се вратам на терените. Следните месеци ќе видиме колку е стабилно коленото, се надевам дека ќе се вратам што поскоро“, додаде Пике.